Këngëtari dhe aktori i njohur Olsi Bylyku ka zgjedhur të mos e konfirmojë apo mohojë nëse projektet e tij muzikore janë një dedikim për partneren e tij, Egli Tako.
I ftuar në podcastin e Dalina Buzit, Bylyku u shpreh se çdo tekst muzikor vjen nga ndjesitë personale të artistit, por mbetet në dorën e tij nëse dëshiron ta pranojë apo jo këtë lidhje mes muzikës dhe jetës private.
“Nëse është për të kënga dhe nëse nuk është për të, tek ty çfarë ndryshon? Jam kurioz. Unë çdo tekst e bëj me ndjesi. Me këtë llogjikë që thua ti, nëse marrim 80% të këngëve në Shqipëri dhe i analizojmë nëse janë histori personale apo jo, pa frikë na duhen 22 vjet që ta llogarisim. Çdo artist ecën me ndjesi personale. Ajo a është personale apo nuk është personale, lejeni ashtu siç ai e ndjen,” tha Bylyku.
Ky qëndrim lë hapësirë për interpretime të shumta nga fansat dhe publiku, ndërsa mbetet për t’u parë nëse ai do të japë një përgjigje më të drejtpërdrejtë në të ardhmen/ S,M
