Selena Gomez është fejuar dhe është kaq e dashuruar me Benny Blanco me të cilin ka realizuar edhe albumin e ri, megjithatë kjo nuk i ndalon fansat së spekuluari për inspirimin pas këtyre hiteve. Aktualisht rrjeti po zien me video që kanë të njëjtën tematikë, këngën “How Does it Feel to be Forgotten”, duke e cilësuar një dedikim për ish-in e këngëtares Justin Bieber.
Teksti i këngës ka fraza të tipit “Je kaq qesharak, shko qaj aty ku s’të sheh njeri. S’e imagjinoj çfarë ndjenje është të ndihesh i lënë në harresë”.
Aludohet që kjo këngë mund t’i jetë kushtuar edhe një miqësie të prishur, megjithatë historia Gomez-Bieber nuk shqitet nga mendja e njerëzve në mbarë botën. Ca të tjerë thonë se e ka për The Weeknd. Asgjë nuk dihet me siguri, por në mbyllje të këngës Selena thotë se “tani gjithçka ka marrë fund, gjithçka është harruar”…
Nga ana tjetër, postimet e Justin janë krejt të dyshimta, aq sa përflitet edhe krizë në martesën e tij me modelen e njohur Hailey Bieber.
Përtej thashethemeve, kënga është shumë e bukur!/E.S
