Egli Tako, e cila u rikthye në Big Brother për të vënë në vend dinjitetin e saj të nëmëkëmbur nga Gjesti, (madje ka zëra se ajo është lutur shumë korridoreve të Top-it që ta rikthejnë në shtëpi) duket se po ndjen ‘ethet’ e finales.
Nga vajza që mbante qëndrim ndaj Gjestit për trajtimin që ai i kishte bërë, banorja mbrëmë ka kaluar natën me reperin në sauna, ku ka pranuar se ndjenjat e saj për Gjestin ishin të sinqerta dhe se qëllimi i saj ishte të mos e dëmtonte atë.
“Qëllimi im ka qenë vetëm të mos e dëmtoja. Vazhdoj të ndjej akoma për këtë djalin dhe kaq.”
Megjithatë, Gjesti ka shprehur se nuk ndjen të njëjtat ndjenja dhe se e sheh Egli-n vetëm si shoqe.
Në një moment emocional, Egli i kërkoi falje Gjestit për çdo gjë që mund ta ketë lënduar, duke theksuar se veprimet e saj nuk ishin me qëllim të keq. Ajo shprehu se vazhdon të ndiejë diçka për të, por po përpiqet ta pranojë situatën.
S,M
