Drejtori Agjencise Kombetare te Mbrojtjes Civile Z.Haki Çako, deklaroi ne ceremonine e çeljes se kësaj stërvitjeje, se “kjo është një ngjarje e rëndësishme, për të testuar bashkëpuninim e shumë shteteve në raste përmbytjesh, për tiu kundervënë fatkeqsive të natyrës në mënyrë të koordinuar”.
Filloi në Shkodrës stërvitja ndërkombëtare “Flood North Albania”, e cila do të zgjasë deri me datë 11 Prill, 2025. Një stërvitje e 13 partnerëve që vijnë nga rajoni i Ballkanit, por jo vetëm. Kjo stërvitje ka si objektiv të testojë përgatitjen e forcave të mbrojtjes civile në rast përmbytjesh, gatishmërinë e institucioneve vendase si dhe koordinimin mes vendit pritës dhe ndihmës që vjen nga vendet e tjera.
Drejtori Agjencise Kombetare te Mbrojtjes Civile Z.Haki Çako, deklaroi ne ceremonine e çeljes se kësaj stërvitjeje, se “kjo është një ngjarje e rëndësishme, për të testuar bashkëpuninim e shumë shteteve në raste përmbytjesh, për tiu kundervënë fatkeqsive të natyrës në mënyrë të koordinuar”.
Ky projekt është financuar nga DG ECHO, Bashkimi Europian dhe ka filluar që në Janar të vitit 2024 dhe përfundon në Dhjetor 2025. Lider i këtij projekti është Agjencia Kombetare e Mbrotjes Civile të Shqipërisë dhe në këtë partneritet janë përfshirë, përvec Shqipërisë edhe Mali i Zi, Kosova, Greqia, Italia, Qipro, Maqedonia e Veriut dhe Bullgaria.
Në 4 ditët e organizimit të stërvitjes, do të zhvillohen skenarë të ndryshëm dhe forcat që marrin pjesë në të do të stimulojnë ngjarje të vërteta ku ata i vijnë në ndihmë popullsisë në zonat e përmbytura.
Gjatë këtyre stimulimeve, përvec forcave zjarrëfikëse të përfshira nga vendet partnere, janë përfshirë edhe forcat e ndërhyrjes së shpejtë të Shkodrës, forcat e armatosura të Republikës së Shqipërisë, forcat e Policisë së Rendit, Kryqi i Kuq, Urgjenca Mjeksore, si dhe forca vullnetare.
Që nga Korriku i vitit 2023, Shqipëria është pjesë me të drejta të plota në Mekanizmin Europian të Mbrotjes Civile. Në këtë Mekanizëm janë të përfshira pjesa më e madhe e vendeve të kontinentit dhe në raste të emergjencave civile anëtarët e tij japin ndihmë të menjëhershme. Në këtë kuadër, edhe Shqipëria ka dhënë ndihmë me dërgimin e Forcave të Ndërhyrjes së Shpejtë në termetin e ndodhur në Turqi në fund të 2022, si dhe dërgimin e zjarrëfikësve në zjarret masive që përfshinë disa zona në Greqi, përgjatë verës së vitit të kaluar./k.k
