Skandali i dhunës fizike në Big Brother VIP Albania, ku këngëtari Jozefin Marku goditi me shpullë Gjestin, ka hapur ‘kutinë e Pandorës’ për një të kaluar që ishte mbajtur tërësisht në heshtje.
Sipas hulumtimit të realizuar nga ‘Prive’, është konfirmuar se Jozi ka kryer dënimin me thuajse tre vite në burg në Zvicër, gjatë viteve 2020 deri në 2023, për dhunë ndaj ish-të dashurës së tij.
Për më tepër, këngëtari Labinot Rexha ka treguar për temperamentin e tij shpërthyes, duke thënë se Jozi nervozohet shpejt dhe se sjellja e tij e fundit nuk e ka habitur aspak.
Labinoti zbulon gjithashtu se edhe ai vetë është kërcënuar nga vëllai i Jozit.
Mësohet gjithashtu se Jozi ka qenë në një lidhje me një vajzë nga Ferizaj, por lidhja është ndërprerë në mënyrë jo paqësore.
Dënimet e tilla në Zvicër, sipas juristëve, ndodhin vetëm në raste të rënda dhe të përsëritura./ S,M
