Presidenti i qendrës së djathtë Daniel Noboa ka fituar raundin e balotazhit të zgjedhjeve presidenciale të Ekuadorit, që do të thotë se ai tani do të shërbejë një mandat të plotë katërvjeçar.
Noboa, i cili e përshkroi fitoren e tij si “historike”, ka qenë në pushtet që nga nëntori 2023 pasi fitoi zgjedhjet e parakohshme.
Ai e ka përcaktuar presidencën e tij, deri më tani, përmes një goditjeje të ashpër ushtarake ndaj bandave të dhunshme kriminale në vend, i cili është bërë më i dhunshmi në rajon.
Kundërshtarja e tij e majtë, Luisa González, tha se ajo nuk e pranoi rezultatin dhe pretendoi mashtrim, pa dhënë prova.
Gonzalez u tha mbështetësve të saj që brohorisnin se nuk i pranonte rezultatet dhe do të kërkonte rinumërim, duke e quajtur “mashtrimin më të keq dhe më grotesk zgjedhor në historinë e Ekuadorit”.
Sipas shifrave nga këshilli kombëtar zgjedhor i Ekuadorit, kjo është një fitore vendimtare për Noboa, me rreth 56% të votave.
“Një fitore prej më shumë se dhjetë pikësh dhe mbi 1 milion vota, duke mos lënë asnjë dyshim se kush është fituesi”, tha ai pas shpalljes së rezultatit./E.S
