Drejtuesi i hekurudhave shqiptare, Ergys Verdho i ftuar në “Money Report” ndau më shumë detaje sa i takon projektit më të fundit të qeverisë shqiptare. Bëhet fjalë për hekurudhën “kuqe e zi” e cila lidh Durrësin me Prishtinën.
Verdho tha se kjo linjë hekurudhore do të sjellë një rritje ekonomike, zhvillim në fshatrat e thellë dhe një rritje të numrit të turistëve.
“Ka nisur si në kohë ashtu edhe në zgjidhje. Ka qenë 3 alternativa të ndryshme. Kjo është linja që ka rritje ekonomike, flusk turistësh. Lidh komplet zonën e Malit të Zi dhe me portin e pestë të Mesdheut që është Porto Romano. Kemi dhe linjën e Korridorit 8 dhe atë të 9. Fillon si një projekt kombëtar pastaj me korridorin e tetë në një projekt ndërkombëtar.”
Verdho tregoi gjithashtu se kur pritet që të përfundojë projekti dhe se sa është kostoja e tij.
“Kostoja e projektit është 1.8 miliard euro, por jo kjo është 30-40% sigurim. Ecuria sipas afateve të përcaktuara nga ekspertët është 1 vit është studimin, 1 prokurimin, 7 vit duhen për ndërtimi e hekurudhës dhe 1 vit do kolaudimi. Pra për një periudhe 10 vjeçar do e kemi gati. Megjithatë ne duhet të kemi mënyrën e duhur të realizimit dhe më pas të finalizimit të projektit.”/ S.M
