E ardhmja e Armando Brojës është në ajër, pas përfundimit të këtij sezoni. Sulmuesit të Kombëtares i përfundon huazimi tek Evertoni dhe do të kthehet te Chelsea.
Blutë e Londrës po ashtu e kanë jashtë planeve për sezonin e ardhshëm. “Record” raporton se Broja është pjesë e listës me 23 lojtarë, që do të jenë në shitje gjatë merkatos së verës.
Trajneri Maresca nuk i ka pjesë të planeve, ndërsa pjesë e listës është edhe Joao Felix. Ky i fundit qëndron në huazim te Milani ku po ashtu nuk ka lënë gjurmë.
Broja ka kaluar një periudhë të gjatë të mbushur me dëmtime. Së fundmi është rikuperuar plotësisht. Chelsea prej kohësh ka preferuar huazimin për 23-vjeçarin e Kombëtares shqiptare, ndërsa tashmë pritet largimi përfundimit.
Kujtojmë se kontrata e sulmuesit të lindur në Angli përfundon në vitin 2028./ D.C
LISTA E LOJTARËVE NË SHITJE NGA CHELSEA:
Wesley Fofana, Mykhailo Mudryk, Christopher Nkunku, Kiernan Dewsbury-Hall, Robert Sanchez, Noni Madueke, Marc Guiu, David Datro Fofana, Reece James, Ben Chilwell, Axel Disasi, Andrey Santos, Joao Felix, Lesley Ugochukwu, Carney Chukwuemeka, Raheem Sterling, Armando Broja, Kepa Arrizabalaga, Mike Penders, Deivid Washington, Caleb Wiley,Alfie Gilchrist and Bashir Humphreys.
