Aktori i njohur William Levy ka dhënë një deklaratë për mediat pasi u lirua nga burgu i qarkut Broward, ku ishte mbajtur gjatë natës me dy akuza të ngritura ndaj tij, dehje në një vend publik duke shkaktuar shqetësim, si dhe shkelje të ligjit në atë ambient.
44-vjeçari u ndalua pas një incidenti në një restorant, ku sipas mediave të huaja, u përfshi në një situatë konfuze që çoi në ndërhyrjen e policisë. Fillimisht, akori u përpoq të largohej nga vëmendja e gazetarëve, por më pas u kthye dhe vendosi të fliste, duke ndarë versionin e tij për ngjarjen.
“Dhe krejt papritur, ai filloi të debatonte me një djalë tjetër dhe unë u futa në mes, duke e zbutur situatën dhe unë jam ai që përfundova në pranga” tha ai.
Aktori gjithashtu mohoiu kategoriksht se kishte nisur sherrin, mohoi se kishte sulmuar një punonjës restoranti dhe hodhi poshtë pretendimet se kishte vepruar në mënyrë agresive.
“Unë u përpoqa të qëndroja i qetë gjatë gjithë kohës. Në fund isha unë ai që duhej të largohesha,” tha ai.
Për përvojën e tij në burg aktori, tha me humor: “Ishte normale. Nuk e di nëse bëra miq të mirë, por takova disa njerëz të rinj.”
William është liruar pas pagesës së një garancie prej 500 dollarësh, ndarë në dy gjoba prej 250 dollarësh secila. Gjykata ka urdhëruar gjithashtu që ai të qëndrojë larg vendit ku ndodhi incidenti./E.S
