Një dokument ligjor i vitit 2022, i lidhur me gjyqin e Amber Heard dhe Johnny Depp, ka ndezur sërish thashethemet për jetën private të aktores.
Sipas Daily Mail, dokumenti përmban dëshminë e Jennifer Howell, një mike e motrës së Amber Heard. Ajo pretendon se Heard dhe Elon Musk kishin bërë ruajtje të embrioneve kur ishin të lidhur nga 2016 deri në 2018.
Pas ndarjes, Musk kërkoi shkatërrimin e embrioneve, ndërsa Heard donte t’i mbante për të pasur një fëmijë. Ky informacion nuk u pranua si provë në gjyqin me Depp, pasi u cilësua si i marrë në mënyrë të paligjshme.
Amber Heard lindi një vajzë në prill 2021, përmes një nëne surrogate, dhe nuk e ka zbuluar akoma identitetin e babait. Në dhjetor 2024, ajo njoftoi se ishte shtatzënë për herë të dytë. “Unë jam mami dhe babi. Ajo është shefi,” kishte deklaruar aktorja për vajzën e saj, Oona Page.
Së fundmi, Wall Street Journal raportoi se Elon Musk ka të paktën 14 fëmijë me katër gra të ndryshme. Ai ka marrëveshje të fshehta financiare me secilën prej tyre, përfshirë pagesa të mëdha dhe kushte diskrecioni.
Rasti më i fundit përfshin influencuesen Ashley St. Clair, e cila pretendon se Musk i ofroi 15 milionë dollarë dhe një pagesë mujore prej 100,000 dollarësh për të mbajtur të fshehtë lindjen e një fëmije me të.
Marrëveshja, sipas saj, u negociua nga bashkëpunëtori i ngushtë i Musk, Jared Birchall.
Musk thuhet gjithashtu se i ka ofruar spermën e tij disa grave për të pasur fëmijë, pa pasur lidhje romantike me to. Njëra prej tyre, influencuesja Tiffany Fong, e refuzoi ofertën duke thënë se kërkonte një familje më tradicionale.
Deri më tani, Musk dihet se ka gjashtë fëmijë me ish-gruan e tij Justine Musk, tre me këngëtaren Grimes, katër me bashkëpunëtoren e tij Siobhan Gillis dhe një me Ashley St. Clair. Ai mundohet të mbajë jetën e tij familjare larg vëmendjes publike, duke thënë se është për “sigurinë e fëmijëve”./E.S
