Katër persona kanë humbur jetën pasi një kabinë teleferikut ra në tokë në afërsi të Napolit, në Italinë jugore.
Sipas shërbimeve të emergjencës, në kabinë ndodheshin 5 persona, njëri prej të cilëvë ka mbëtur i plagosur rënë dhe ndodhet në rrezik për jetën. Ai po transportohet me helikopter drejt spitalit, sipas autoriteteve.
<d
Disa media italiane raportojnë se një nga kabllot që mbante kabinën ishte këputur ndërsa teleferiku po kalonte luginën.
Presidenti i rajonit, Vincenzo De Luca, tha se viktimat ishin turistë. Ai shtoi gjithashtu se kushtet e këqija të motit, përfshirë mjegullën, erën dhe shiun, po e vështirësonin ndjeshëm ndërhyrjen e ekipeve të shpëtimit në zonën ku kishte rënë kabina, në një lartësi prej 1500 metrash mbi nivelin e detit.
Më herët gjatë ditës së enjte, media italiane kishin raportuar se teleferiku ishte ndalur dhe disa persona ishin shpëtuar nga një tjetër kabinë që kishte mbetur pezull më poshtë në luginë.
Rreth orës 17:00 erdhi lajmi se komunikimet ishin ndërprerë dhe kabina besohej se kishte mbetur pezulluar në ajër. Në orën 18:05, Umberto De Gregorio, president dhe CEO i Eav, Holding publikoi lajmin për viktimat në mediat sociale.
Menjëherë pas konfirmimit të lajmit tragjik, Presidenti i rajonit të Kampanjias, Vincenzo De Luca , shkoi në vendngjarje. Pas aksidentit, stacioni Castellammare di Stabia u mbyll për shkak të ndërprerjes së linjës hekurudhore midis Pioppaino dhe Sorrento, duke qenë se kablloja kishte rënë mbi shina.
Policia Bashkiake e Stabias ka urdhëruar masa paraprake për mbylljen e rrugës panoramike në majën e ngjitjes drejt Pallatit Bourbon të Quisisana-s.
Teleferiku në fjalë u përurua në verën e vitit 1952. Në ditën e 15 gushtit 1960, kishte ndodhur i pari dhe i vetmi aksident fatal në historinë e saj. Kabina që po bënte seksionin zbritës, në lartësinë e shtyllës së parë, u shkëput nga kabllot e tërheqjes dhe përfundoi duke u përplasur në shinat hekurudhore poshtë saj, duke u marrë jetën 4 personave në atë kohë./E.S
