Një rimorkiator ka dalë në breg si pasojë e motit të keq në det.
Për shkak të erës së fortë që fryn nga drejtimi jugperëndim, mjeti lundrues që ndodhej në radhë është marrë nga rrymat detare dhe ka përfunduar në breg, në zonën e plazhit të Durrësit, mes Agipit e Teutës.
Në bord ndodheshin dy persona, të cilët janë jashtë rrezikut për jetën. Në kushtet e një deti të egërsuar, ekuipazhi i rimorkiatorit nuk ka mundur të bëjë manovrat e duhura, raporton korrespondentja e Top Channel Vali Qyrfyçi.
Rimorkiatori është një mjet lundrues që zakonisht përdoret për ndihmë teknike ose për të transportuar mjete të dëmtuara. Në këtë rast, rimorkiatori doli vetë jashtë kontrollit, duke përfunduar në breg.
Kapiteneria e portit detar të Durrësit tha se po e ndjek situatën për të bërë të mundur rikthimin e tij në det në kushte të sigurta, por errësira dhe deti nuk po e favorizojnë ndërhyrjen sot./E.S
