Në ‘Fan Club’ u vu re qëndrimi pro-Gjestit i Ronaldo Sharkës. Madje gazetari ishte shumë i ‘flaktë’ në mbrojtjen e banorit, gjë që nuk është normale për një opinionist. Ndërsa, kur u diskutua Rozana Radi, Ronaldo bëri një krahasim mes saj dhe aktorit Jul Deda, duke vënë theksin te mënyra se si ata janë perceptuar nga publiku gjatë qëndrimit në shtëpi.
Sipas Ronaldos, të dy kanë qenë pjesë e rëndësishme e edicioneve përkatëse, por nuk kanë arritur të krijojnë një imazh fituesi.
“Po të pyesësh njerëzit sot çfarë ka bërë Juli në ‘Big Brother’, e mbajnë mend që ka qenë aty, por nuk dinë një ‘highlight’ (moment kyç)”- u shpreh gazetari ndër të tjera.
Deklarata e tij nuk ka kaluar pa reagim nga ana e Jul Dedës. Përmes një postimi ironik në InstaStory, aktori i është përgjigjur Ronaldos me tone thumbuese, duke shkruar se e vetmja gjë për të cilën do të mbahet mend ai, është që “leu flokët si Luizi” dhe që “jargavitej” për të kapur pak famë./ S,M
