Sfidë edhe në rrjetet sociale, Interi i kundërpërgjigjet Bayernit me ironi
Klubi italian, Inter iu kundërpërgjigj Bayern Mynihut me një postim gazmor në rrjetet sociale pas një kualifikimi të vështirë për në gjysmëfinale të Ligës së Kampionëve.
Zikaltërit u kualifikuan në gjysmëfinalen e Ligës së Kampionëve të mërkurën, duke siguruar një fitore të përgjithshme 4-3 ndaj Bayernit.
Pas ndeshjes, Interi iu përgjigj me shaka një postimi të shpërndarë në platformën X nga Bayern javën e kaluar, para fillimit të çerekfinaleve të Ligës së Kampionëve.
Gjermanët kishin sugjeruar që të vendosnin fokusin maksimal kundër zikaltërve, duke kaluar shpejt nga angazhimi i vogël në Bundesliga te angazhimi më i madh në Ligën e Kampionëve.
Zikaltërit u përgjigjën me të njëjtin imazh, por me një kuptim të kundërt, pasi bavarezët nuk arritën t’i eliminonin ata nga dy ndeshjet e luajtura.
↙️ https://t.co/kemvlALBcb pic.twitter.com/XYBTrZKnLe
— Inter ⭐⭐ (@Inter) April 16, 2025
Interi është kualifikuar në gjysmëfinale të Ligës së Kampionëve për herë të dytë në tre sezonet e fundit pasi arriti në finale në vitin 2023, por humbi nga Manchester City i Pep Guardiolës./ D.C
