Organizata Botërore e Shëndetësisë paralajmëron se deri në vitin 2030, më shumë se 500 milionë njerëz në mbarë botën do të përballen me forma të ndryshme të humbjes së dëgjimit. Aktualisht, rreth 1 në 5 persona kanë çrregullime dëgjimi, ndërsa deri në vitin 2050, kjo shifër pritet të rritet në 1 në 4.
Mbi një miliard të rinj janë të ekspozuar ndaj rrezikut të humbjes së përhershme të dëgjimit për shkak të zhurmave të larta, sidomos gjatë aktiviteteve argëtuese si dëgjimi i muzikës me volum të lartë apo video-lojërat.
Humbja e dëgjimit mund të shkaktohet nga faktorë të ndryshëm: gjenetikë, komplikacione gjatë lindjes, sëmundje infektive, infeksione kronike të veshit, dëmtime fizike të kokës apo veshit, përdorimi i disa barnave, procesi natyral i plakjes dhe ekspozimi i gjatë ndaj zhurmave.
Sipas ekspertëve, shumë prej këtyre rasteve mund të parandalohen përmes kujdesit të duhur dhe dëgjimit të sigurt. Për ata që tashmë përballen me humbje të dëgjimit, zbulimi i hershëm dhe rehabilitimi në kohë janë thelbësorë për të zhvilluar plotësisht potencialin e tyre./E.S
