Apeli i Gjykatës së Posaçme ka lënë në burg të dy personat që akuzohen për sulmin kibernetik ndaj SPAK. Ish-drejtori i burgut të Vlorës, Zambak Gjoni dhe ish-punonjësi i IMT-së, Arnold Rrokaj, akuzohen se kanë ndërhyrë në email-et e 3 prokurorëve më datë 12 Mars.
SPAK në njoftim për shtyp pranoi se ata kanë marrë nga email-et, disa skedarë që kishin dosje dhe materiale hetimore për procedime të ndryshme të krimit të organizuar dhe korrupsionit.
Kjo prokurori bëri të ditur se ka kryer një hetim administrativ dhe shtoi se nuk ka indicie për bashkëpunim nga brenda strukturës në këtë rast hakerimi.
SPAK sqaroi se sistemi i përgjithshëm IT-së nuk është cenuar. Nga hetimi i deritanishëm, është arritur të sekuestroj pajisjen e përdorur për të kryer hakerimin dhe të gjithë skedarët e aksesuar nga email-et e prokurorëve.
Arrestimi i këtyre dy personave është bërë brenda 24 orësh nga ndërhyrja për hakerimin e email-eve të prokurorëve./E.S
