Vinicius Junior është në telashe. Sipas gazetës spanjolle Marca, ylli i Real Madridit mund të pezullohet me dy vjet për shkelje të rregulloreve të FIFA-s.
Kompania Tiberis Holding do Brasil, e cila paraqiti një ankesë kundër lojtarit në komitetin e etikës të FIFA-s, pretendon se sulmuesi i Los Blancos ka shkelur rregullin që ndalon futbollistët aktivë të zotërojnë shumë klube futbolli në të njëjtën kohë.
Pretendohet se përmes firmës ALL Agenciamento Esportivo, Vinicius fitoi aksione në disa klube braziliane të futbollit, si dhe në Alverca të Portugalisë. Sipas rregullave të FIFA-s, dënimi maksimal për një shkelje të tillë është një pezullim prej dy vitesh.
Megjithatë, pritet që lojtari të paguajë një gjobë të konsiderueshme financiare dhe të heqë dorë nga disa prej aksioneve e tij në klubet e futbollit.
Lajmi vjen si një “rrufë në qiell të hapur” për Real Madridin, që ka gjetur akordin me lojtarin për të rinovuar kontratën deri në vitin 2029, me opsion rinovimi automatik deri në 2030. m.p.
