Vendi ynë këtë të shtunë pritet të karakterizohet nga një rënie e lehtë e Vlerave Barike, duke sjellë në territorin shqiptar mbizotërimin e vranësirave dhe reshjeve të shiut.
Reshjet do të jenë më intensive në skajet veriore dhe verilindore të vendit, ku priten që të jenë në formë rrebeshi, si dhe mundësi për breshërit.
Gjatë orëve të pasdites, moti do të vijojë me vranësira dhe reshje të dobëta në pjesën më të madhe të territorit, ndërsa zonat juglindore do të përjetojnë rrebeshe afatshkurtra dhe mini-stuhi me breshër.
Temperaturat e ajrit do të pësojnë një rënie të lehtë si në mëngjes, ashtu edhe në mesditë. Vlerat minimale do të zbresin deri në 4°C në qytetin e Peshkopisë, ndërsa ato maksimale do të ngjiten deri në 23°C në qytetin e Kuçovës.
Era do të fryjë mesatare deri e fortë duke arritur shpejtësinë maksimale mbi 50 km/h nga drejtimi Verior, për pasojë në brigjet detare do të krijohet dallgëzim 3 – 4 ballë./E.S
