Nga 24-30 prill shënohet Java Botërore e Imunizimit, e cila si çdo vit zhvillohet me qëllim për promovimin e vaksinimit dhe rëndësinq që ka.
Përmes një postimi në rrjetet sociale Ministrja e Shëndetësisë dhe Mbrojtjes Sociale, Albana Koçiu ka publikuar një video sensibilizuese, ku shefja e Programit të Vaksinimit në Institutin e Shëndetit Publik, Rovena Daja thekson rëndësinë e vaksinimit
“Jemi në fillim të javës botërore të vaksinimit. Më shumë se çdo herë tjetër ftojmë prindërit të vaksinojnë fëmijët e tyre. Vaksinohuni duke besuar.Vaksinimi është element i rëndësishëm, vaksinat shpëtojnë jetë njerëzish.
Në këtë situatë kur normalisht kemi edhe raste fruthi në të gjithë Europën, por edhe në Shqipëri ftojmë prindërit të vaksinojnë fëmijët ndaj fruthit, rubeolës, parotit si dhe gjithë vaksinave të tjera të kalendarit të vaksinimit”, tha mjekja Rovena Daja../e.t
