Carlo Ancelotti do të jetë trajneri i ardhshëm i Brazilit. Prestigjiozja “Marca” zbuloi dje se palët kanë arritur akordin dhe se italiani është gati të ulet në pankinën e “seleçaos”.
Ndërkohë sot janë zbuluar detajet e kontratës që Ancelotti do të firmosë me 5 herë kampionët e Botës.
Ai do të firmosë në fillim të qershorit përpara ndeshjeve kundër Ekuadorit dhe Paraguait. Në vitin 2023, Brazili i ofroi një pagë prej 10 milionë eurosh italianit, praktikisht e njëjtë me pagën e tij aktuale në Madrid. Trajneri do ta udhëheqë Brazilin deri në Kupën e Botës 2026, por me opsionin për të rinovuar kontratën e tij deri në vitin 2030.
Carlo do të ketë mbështetjen e Rodrigos, Vinicius, Militao, Endrick dhe Raphinha, lojtarë që pritet të marrin rolin udhëheqës të ekipit në epokën e re. Neymar ka qenë gjithashtu çelësi i ardhjes së trajnerit, por vazhdimësia e tij varet në fije të perit për shkak të lëndimeve të tij të fundit. Numri dhjetë do të ketë një vend në Kupën e Botës 2026, por vetëm nëse forma e tij do të vazhdojë mirë./ D.C
