Eduard Dervishaj do të jetë menaxheri i ri i organizimit të Botërorit 2030 në Spanjë i Federatës Spanjolle të Futbollit. Ai ka 35 vite eksperiencë në futbollin ndërkombëtar, pasi ka punuar për FIFA, UEFA dhe Federatën Shqiptare të Futbollit.
Ky rol i ri i tij u caktua zyrtarisht nga presidenti i RFEF, Rafael Louzán:
“Ia kemi dhënë këtë detyrë një personi i cili ka shumë kohë që punon në federatën tonë. Eduardi do të jetë drejtuesi i ri. Ai ka organizuar shumë turne me FIFA dhe UEFA”.
Dervishaj më parë ka qenë drejtor i departamentit të Marrëdhënieve Institucionale dhe Projekteve. Me rolin e ri, ai do të jetë pika e kontaktit e Federatës Spanjolle me FIFA-n për gjithçka që ka të bëjë me Botërorin 2030 dhe do të jetë koordinator për marrëdhënien me shtetet e tjera organizatore. m.p.
