Në fjalët e tij të para si papë, Leo XIV iu drejtua turmës në Sheshin e Shën Pjetrit në Vatikan me fjalët “Paqja qoftë me ju të gjithë!”
“Kjo është përshëndetja e parë e Krishtit të ringjallur, bariut të mirë që ka dhënë jetën e tij për Zotin”, tha ai, duke shpjeguar zgjedhjen e përshëndetjes së tij.
“Dhe do të doja gjithashtu që kjo përshëndetje paqeje të hynte në zemrat tona dhe në familjet tona”.
Leo XIV dukej dukshëm i emocionuar, ndërsa përshëndeti turmën adhuruese në sheshin poshtë ballkonit. Duke iu drejtuar turmës në Sheshin e Shën Pjetrit, Papa Leo XIV i bëri homazhe të ndjerit Papa Françesku, duke i kërkuar turmës të kujtonte trashëgiminë e paraardhësit të tij.
“Le ta mbajmë në vesh zërin e dobët të Papa Françeskut që bekon Romën. Papa që bekoi Romën, i dha bekimin e tij të gjithë botës atë mëngjes të Pashkëve.
Më lejoni të vazhdoj me atë bekim. Zoti na do. Zoti i do të gjithë. E keqja nuk do të mbizotërojë”, tha ai në italisht ndërsa iu drejtua turmës së mbledhur në Vatikan. Pasi kishte folur në italisht, Leo XIV kaloi në spanjisht, një nga disa gjuhë evropiane që flet, për t’iu drejtuar “dioqezës së tij të dashur” në Peru. Kardinali Robert Prevost, siç njihej deri në orën e fundit, punoi për një dekadë në Trujillo të Perusë dhe shërbeu si peshkop i Chiclayo-s, një qytet tjetër peruan, nga viti 2014 deri në vitin 2023.
“Dioqezës sime më të dashur në Peru, ku një popull besnik shoqëroi ipeshkvin e tyre për të ndarë besimin e tyre me të dhe që kanë bërë kaq shumë për të qenë një kishë besnike”, tha ai. Leo XIV i bëri thirrje kishës katolike të ishte një kishë “sinodale”, “një kishë që ecën përpara dhe që kërkon gjithmonë paqen dhe t’u qëndrojë pranë atyre që vuajnë”.
Gjatë fjalës së tij në fjalim, Papa Leo XIV falënderoi kolegët e tij kardinalë që e zgjodhën atë për të udhëhequr Kishën Katolike.
“Dua gjithashtu të falënderoj të gjithë vëllezërit e mi kardinalë që më kanë zgjedhur të jem pasardhësi i Pjetrit dhe të ec me ju si një kishë e bashkuar. Gjithmonë duke kërkuar paqe dhe drejtësi. Duke kërkuar të punoj me burra dhe gra që i janë besnikë Jezu Krishtit pa frikë për të shpallur ungjillin për të qenë misionarë”, tha ai.
Papa Leo XIV e përshkroi vizionin e tij për Kishën Katolike si një Kishë që “ndërton ura” dhe angazhohet në biseda. m.p.
