Por, çfarë ndodh pas këtij njoftimi të shumë pritur nga mijëra besimtarë në të gjithë botën?
Pasi një kardinal ka arritur 89 vota, që janë dy të tretat e numrit të votave të nevojshme për zgjedhjen, kolegët e tij shpërthejnë në duarrokitje, ndërkohë që numërimi vazhdon deri në fund. Kur rezultati është i sigurt, kardinali më i ulët i rendit të diakonëve i bën thirrje Masterit të Liturgjisë dhe Sekretarit të Kolegjit Kardinalor.
Në këtë moment, kardinali më i lartë i rendit të peshkopëve pyet Papën e zgjedhur me një pyetje solemne: “Acceptasne electionem de te canonice factam in Summum Pontificem?” “A pranon zgjedhjen si Papa i Ri?”.
Megjithëse mund të duket një pyetje retorike, historia ka treguar raste të rralla ku Papa i zgjedhur ka refuzuar, si për shembull Papa Adriani II, i cili pranoi vetëm në konklavin e tretë, pas refuzimeve të dyja herëve të tjera për shkak të përulësisë.
Nëse Papa i ri pranon, kardinali e pyet: “Quo nomine vis vocari?” “Si dëshiron të quhesh?”.
Pas këtij momenti, Papa i ri e zbulon emrin që ka zgjedhur. Ndërkohë, procesi vijon me shkrirjen e kartave të votimit në furrë dhe prodhimin e tymit të bardhë që njofton përfundimin e konklavit dhe zgjedhjen e Papa të ri. Kjo është shenjë që u shpall në Sheshin e Shën Pjetrit.
Pas përfundimit të konklavit, Papa i ri tërhiqet në të ashtuquajturën “Dhomën e lotëve”, një emër që i është dhënë hapësirës private pas ritit, ku Papa pritet të ndiejë emocione dhe ngarkesën e përgjegjësisë që ka marrë mbi supe.
Kjo është gjithashtu koha kur Papa i ri përgatitet për të dalë publikisht para besimtarëve, duke u veshur me rrobat solemne që i përshtaten figurës së tij, duke u paraqitur në ballkonin e Bekimeve të Bazilikës së Shën Pjetrit.
Në këtë moment, para se të dalë përpara publikut, mblidhen për lutjen solemne për Papa të ri, dhe pas kësaj, intonohet himni “Te Deum”, që shënon fundin e konklavit. Pas kësaj, përgatitet dhe festa e nisjes së pontifikatit, ku udhëheqësit e botës dhe besimtarët e përshëndesin Papa të ri.
Ky është një moment historik dhe ngjarje solemne, që pason një ceremoni me simbole të rëndësishme, si palliumi dhe unaza e peshkatarit, simbolizuar si një fillim i vërtetë i shërbesës papale. Dikur, kjo ka qenë e njohur si “intronizimi” ose “kurorëzimi”, një simbol i fuqishëm i autoritetit papal./E.T
