Krytari i Partisë Socialiste në Kurbin, Benard Palaj, ka dalë në një deklaratë për mediat dhe ka reaguar në lidhje me pretendimet e PD-së për shtiblerje votash.
Përfaqësues të Partisë Socialiste në Kurbin kanë dorëzuar një denoncim në Drejtorinë Vendore të Policisë së Lezhës. Ata pretendojnë se janë bërë objekt i akuzave dhe lajmeve të rreme, që përfshijnë pretendime për shitblerje votash dhe madje paralajmërime për arrestime të disa prej tyre.
Lidhur me këto akuza, Palaj i ka quajtur të pabaza me qëllim të dezinformojnë opinionin publik dhe të krijojnë panik. Ai i konsideroi sulme politike që synojnë të dëmtojnë fushatën, ndërsa kërkoi nga institucionet përgjegjëse të hetojnë këto raste dezinformimi.
“Po përballemi me shpifje të mirëorganizuara që kanë për qëllim të dezinformojnë opinionin publik dhe të krijojnë panik. Nuk ka asnjë provë për këto pretendime, ndaj i konsiderojmë si sulme politike që synojnë të dëmtojnë fushatën tonë,” deklaroi Palaj./e.s
