Kreu i Partisë Demokratike, Sali Berisha, pasi votoi deklaroi se “do të kemi një ditë të dytë vere” pas 11 Majit.
“I bëj thirrje çdo qytetari shqiptar që të votojë. Të votojnë për veten e tyre, për fëmijët e tyre, për pensionet e tyre, për rrogat e tyre, për biznesin dhe fermën e tyre. Të votojnë për të ardhmen e fëmijëve të tyre në këtë vend”, tha Berisha.
“Çdo njeri që kam takuar, ka qenë i sigurt në votën e tij. Mezi presin rezultatin. Do të kemi një ditë të dytë vere. Ndaj, thirrja ime është votoni, votoni, votoni”, shtoi Berisha./e.t
