Partia Socialiste parashikohet të marrë 12 mandate në Fier, nëse trendi do të vijojë me këto ritme, duke tejkaluar edhe pritshmëritë e socialistëve në këtë qark. Kujtojmë që gjatë fushatës drejtuesja e politike e këtij qarku, ministrja Belinda Balluku deklaroi se PS synon 10 mandate në Fier.
Aktualisht teksa janë numëruar gati 23% e kutive të votimit, përkatësisht 132 kuti nga 587, Partia Socialiste kryeson me 63% të votave, ndërsa PD me 25%, e ndjekur nga Nisma Shqipëria Bëhet 4%, Mundësia 3% , ndërsa PSD, Djathtas për Zhvillim, Bashkë dhe Koalicioni Euroatlantik me nga 1 %.
Në rang vendi, kur janë numëruar më shumë se 20 për qind e kutive të votimit, sipas të dhënave të publikuara nga Komisioni Qendror i Zgjedhjeve, Partia Socialiste, me 53% të votave, mund të marrë deri në 83 mandate nëse do të vazhdojmë të kemi këtë trend, Partia Demokratike, 53% të votave 51 mandate, Nisma Shqipëria Bëhet 3% të votave 1 mandat, PSD 4% të votave 3 mandate, Mundësia 3% të votave 1 mandat dhe Bashkë 1% të votave 1 mandat./e.t
