Në natën e parë të gjysmëfinales së Festivalit të Këngës në Eurovizion 2025, që po mbahet në Bazel të Zvicrës, Shkodra Elektronike performon e 12-ta me “Zjerm”.
Ky duet elektropop, nga Kolë Laca dhe Beatriçe Gjergji, ka fituar zemrat e publikut dhe jurisë shqiptare duke triumfuar në Fest 63 me 143 pikë.
Në mbështetje të Shkodra Elektronike kanë dlaë shumë artistë, mes tyre një mbështetje e madhe edhe nga këngëtari i njohur Luiz Ejlli, gjithashtu nga Shkodra dhe ish-konkurent në Eurovizion. Luizi ka shpërndarë performancën e tyre në rrjetet sociale, duke u bërë një mbështetës i zëshëm i tyre.
Performanca e Shkodra Elektronike shoqërohet me një koreografi të veçantë në stilin voguing, një element i ri dhe novator në kulturën shqiptare. m.p.
