Juristi Romeo Kara shprehet se një tjetër skandal do të përfshijë ish-kryeministrin Sali Berisha, deputetin Flamur Noka dhe vetë Partinë Demokratike lidhur me miliona euro të padeklaruara për kontrata lobimi në Shtetet e Bashkuara të Amerikës.
“Kam thënë që është kontratë me probleme. Kam thënë që është më shumë se një kontratë,” deklaroi Kara, duke iu referuar kontratave të firmosura nga PD dhe njerëzit pranë Berishës me kompani lobimi në SHBA.
Sipas tij, pagesat për këto kontrata janë bërë më herët sesa është pretenduar zyrtarisht dhe dyshimet për paratë “cash” të pakontrolluara dhe të padeklaruara janë të thella.
“Ata nuk veprojnë pa marrë paratë me paradhënie.
Ata kanë marrë paratë dhe e kanë nisur që nga muaji mars.
Pra mund të kenë marrë paratë e para që në muajin shkurt, fillim marsi,” thekson Kara.
Në fokusin e këtij skandali janë të paktën dy kontrata: njëra që lidhet me ndihmën për çështjen e vizës amerikane për Sali Berishën, dhe tjetra, më e rëndësishmja, që është kontrata e 4 prillit, me natyrë të thellë politike dhe lobuese.
Kjo e fundit, sipas Karës, është shoqëruar gjithashtu me pagesa të majme.
“Kemi një kontratë që ka qenë për punën e vizës që këta nuk e nxorën deri tani.
Kontrata tjetër që është më politike ka të bëjë për lobime, është ajo e 4 prillit që sigurisht që dhe aty kanë marrë para”, tha ai./e.t
