Ish drejtori i FBI-së James Comey u mor në pyetje nga Shërbimi Sekret Amerikan pasditen e të premtes pasi publikoi një foto në rrjetet sociale që republikanët e konsideruar një simbol të nxitjes së dhunës dhe thirrje për vrasjen e Donald Trump. Comey o mor në pyetje për më shumë se një orë në Selinë e Shërbimit Sekret në Washington, por nuk u mbajt në paraburgim.
Të enjten ish kreu i FBI-së kishte postuar në instagram një foto me ku guacka shkruheshin në rërë numrat “8647”, të cilën vetëm disa orë më pas e kishte fshirë. Numri 86 është një term zhargon, përkufizimi I të cilit përfshin të refuzosh ose të heqësh qafe dikënd duke iu referuar kështu në mënyrë të nënkuptuar vrasjes së dikujt. Krahas numrin 86 shkruhej edhe numri 47 që I referohej presidentit të 47-të të Shteteve të Bashkuara që është Donald Trump.
Në një intervistë për Fox News përpara se James Comey të merrej në pyetje, Kreu I Shtëpisë së Bardhë u shpreh se ish kreu I FBI-së e dinte shumë mire mesazhin që po jepte nëpërmjet asaj fotoje.
“Ai e dinte mjaft mire se çfarë nënkuptonte e gjitha kjo. Edhe një fëmijë e di se çfarë nënkupton ajo që ai postoi. Nëse ju jeni një drejtor FBI-je dhe nuk dini kuptimin e asaj gjëje më lejoni t’iua them unë ajo është një thirrje për vrasje. Dhe u tha qartësisht dhe me zë të lartë. Ai është mjaft i logjikshëm ta di cfarë thirrje ka bërë. Ai e bëri për një arsye, sepse ai e di që njerëzit më pëlqejnë mua dhe iu pëlqen se cfarë po ndodh me vendin tone. Vendi ynë po respektohet sërish dhe ai bën thirrje për vrasjen e presidentit.”, tha Trump.
Donald Trump u shpreh përgjatë intervistës së tij në Fox News se I takonte Prokurores së Përgjithshme Pam Bondi që të vepronte më tej mbi këtë rast.
Ish drejtori I FBI-së James Comey u shkarkua nga Detyra në vitin 2017 pasi Trump mori mandatin e tij të parë presidencial./e.t
