Presidenti ukrainas Volodymyr Zelenskyy është takuar me zëvendëspresidentin e SHBA-së, JD Vance dhe sekretarin e Shtetit Marco Rubio në prag të inaugurimit të Papa Leo, tha një burim në delegacionin ukrainas për Reuters.
Sipas mediave të huaja, ky është takimi i parë midis Zelenskyy dhe Vance që kur ata u përplasën gjatë bisedimeve në Shtëpinë e Bardhë në shkurt mbi të ardhmen e luftës në Ukrainë.
Donald Trump do të flasë nesër në telefonata të ndara me Vladimir Putinin dhe Zelenskyn, lidhur me bisedimet për t’i dhënë fund luftës.
Papa do të ketë një takim privat me Zelenskyn këtë pasdite, shkruan A2 CNN.
Leo, Papa i parë nga SHBA-ja, më parë është zotuar se personalisht do të bëjë “çdo përpjekje” për të ndihmuar në përfundimin e luftës.
Ai gjithashtu ka sugjeruar që Vatikani mund të jetë një vend për bisedime paqeje mes Rusisë dhe Ukrainës.
