Kryesocialisti Edi Rama ka bërë një retrospektivë zgjedhjesh me një ecje të shpejtë në kohë dhe dy foto nga momente historike të Shqipërisë.
I pari me një imazh të keq për vendin dhe i dyti me një gjurmë që la shenjë.
Zgjedhjet e vitit 1996 dhe Tirana pas tyre nën dhunën policore dhe të institucioneve ligjzbatuese ndaj opozitës socialiste të asaj kohe dhe kryeqyteti pas zgjedhjeve të 11 majit, me Samitin e VI-të të Komunitetit Politik të Europës që u mbajt në datat 16-17 maj, me liderët e 47 vendeve të botës.
“Tirana pas zgjedhjeve të 26 majit 1996 dhe Tirana pas zgjedhjeve të 11 majit 2025”, shkruan kryeministri në postimin e tij të shkurtër në llogarinë e rrjetit social Facebook.
Postimi shoqërohet me dy foto në krah dhe me një emoji trishtues tek rreshti për vitin 1996 dhe 3 emoji “flamuri shqiptar, i BE-së dhe numri 5” në rreshtin e dytë të pas 11 majit./e.t
