Orët zakonisht përdoren për të treguar kohën – por nëse pyet markën suedeze Our Legacy, as kjo nuk është e nevojshme.
Ata prezantuan modelin No Time Watch, dhe emri nuk është shaka – kjo orë nuk tregon kohën sepse thjesht nuk është funksionale.
Nuk bën asgjë dhe kjo është e gjithë ideja, dhe siç pohon marka, është një orë qëllimi i së cilës është thjesht dekorativ.
Është bërë prej argjendi të lëmuar dhe vjen me një rrip lëkure luksoz Horween Chromexcel.
Ka shënjues të orëve të stampuar, një kurorë dekorative të fiksuar, por pa lëvizje.
Çdo copë është punuar me dorë në Portugali, kështu që priten ndryshime të vogla midis orëve.
“Ora Pa Kohë” nuk është aty për të treguar kohën – roli i saj është të duket bukur në kyçin e dorës.
Çmimi i këtij aksesori është 790 euro, që është mjaft shumë për diçka që nuk bën asgjë, përveçse ndoshta duket bukur. /e.t
View this post on Instagram
