Nga maji i vitit 2024 deri në maj të vitit 2025, rreth 4 miliardë njerëz, ose gati gjysma e popullsisë së botës, përjetuan të paktën një muaj me nxehtësi ekstreme për shkak të ndryshimeve klimatike të shkaktuara nga aktiviteti i njeriut , sipas një analize të publikuar nga World Weather Attribution, Climate Central dhe Kryqi i Kuq Ndërkombëtar.
Raporti thekson se nxehtësia ekstreme ka shkaktuar sëmundje, humbje jete, dëme në bujqësi dhe presion të madh mbi sistemet energjetike dhe ato shëndetësore. “Edhe pse përmbytjet dhe ciklonet shpesh marrin vëmendjen mediatike, nxehtësia është ndoshta fatkeqësia më vdekjeprurëse,” thuhet në raport.
Shkencëtarët përdorën metoda të rishikuara shkencërisht për të analizuar se sa shumë ndryshimet klimatike kanë ndikuar në rritjen e temperaturave dhe sa më të mundshme janë bërë valët e të nxehtit si pasojë e tyre. Në pothuajse të gjitha vendet e botës, numri i ditëve me nxehtësi ekstreme është të paktën dyfishuar krahasuar me një botë pa ndikimin e ndryshimeve klimatike.
Ishujt e Karaibeve ishin ndër zonat më të prekura, me Puerto Rikon që përjetoi 161 ditë me nxehtësi ekstreme, në krahasim me vetëm 48 ditë që do të kishin ndodhur pa ndryshimet klimatike. “Valët e të nxehtit janë vrasës të heshtur,” tha profesoresha Friederike Otto, shkencëtare e klimës në Imperial College London. “Njerëzit nuk vdesin në rrugë, por në shtëpitë e tyre të paizoluara mirë ose në spitale — dhe shpesh nuk shihen fare.” Ajo paralajmeroi se pa nderprerjen e Karburanteve Fosile, situata do te përkeqësohet.
“Sapo të ndalojmë së djeguri lëndë djegëse fosile, temperatura mesatare globale do të ndalojë së rrituri. Dhe kjo gjithashtu do të thotë se rritja e ditëve me vapë do të ndalet. Por sigurisht, ana tjetër e kësaj është se, për sa kohë që vazhdojmë të djegim lëndë djegëse fosile, do të shohim një rritje të vazhdueshme të numrit të ditëve me vapë ekstreme. Nuk jemi te bllokuar nga nje kendveshtrim fizik, jemi te bllokuar per shkak te situates politike.”
Raporti përmend edhe disa ngjarje ekstreme te nxehtesise te cilat nuk do te kishin ndodhur nese sdo te kishte ndikimin e njeriut ne ndryshimet klimatike sic eshte per shembull ngjarja e ndodhur ne Korrik te vitit 2024 ne Marok, ky 21 persona humben jeten pasi temperaturat arriten 48 grade celcius./e.t
