Eksperti i sigurisë Dritan Demiraj komentoi për ‘ABC e mëngjesit’ zhvillimet gjeopolitike në një situatë të tensionuar globale ku superfuqitë botërore kanë përplasje interesash.
Demiraj tha se Ukraina është në një situatë të tmerrshme ushtarake ku vetëm javën e kaluar ka humbur rreth 9500 ushtarë. Më tej, eksperti shtoi se për të paktën 10 vitet e ardhshme kërcënimi më i madh do të vijë nga Kina e cila ka nisur tashmë të zbatojë ‘pushtimin ekonomik’.
“Ky sulm me këto dëme në kohë të gjatë është goditje për Putini. Ukraina është në situatë të tmerrshme ushtarake, ka humbur rreth 9500 ushtarë vetëm javën e kaluar.
Në atë sulm janë vrarë një pjesë e instruktorëve të NATO-s. Edhe këshilltari i Trump deklraroi të dielën që është një luftë që NATO e bën përmes Ukrainës. Pas presionit të jashtëzakonshëm, nuk pranuan të quajnë kriminel Putin sepse po mundohen të gjejnë një rrugë të mesme dhe nuk po gjejnë fuqi për paqe.
Kina vazhdon të fuqizohet çdo ditë e më tepër nga marrëveshja me Rusinë dhe Korenë. Në 10 vitet e ardhshme kërcënimin më të madh do e kemi nga Kina.
Kina ka pretendime territoriale si dhe për një pjesë të burimeve dhe gadishullit. Kina ka gjetur një rrugë paqësore përmes pushtimit ekonomik.” /e.t
