Deputeti i Kuvendit Dashnor Sula foli sot në “Breaking” në lidhje me situatën brenda Partisë Demokratike, pas humbjes në zgjedhjet e 11 majit.
Sipas Sulës, PD-së i duhet një riorganizimi i thellë, por këtë nuk e bën dot Berisha. Sa i përket vajzës së ish-kryeministrit Argita Malltezit, e cila përflitet se mund te marrë kryesinë e PD, Sula tha se është një alternativë shumë e mirë, nëse zgjidhet me garë të drejtë.
“Duhet një riorganizim i thellë i PD dhe këtë nuk e bën dot Berisha dhe asnjë nga personat që ka afër Berisha. Argita Malltezi është shumë më mirë se Berisha sot. E kulturuar, e edukuar. Pse çfarë ka? Nëse e fiton garën, bravo i qoftë. Por të bëhet një garë e ndershme dhe të votohet siç duhet. Nuk kam asgjë kundër Argitës. Por nëse humb zgjedhjet duhet të largohet.”- tha Sula. m.p.
