Lojtari më i mirë i kampionit të ri të NBA-së, Shai Gilgeous-Alexander, në moshën 26-vjeçare, tashmë e ka siguruar vendin e tij midis legjendave të basketbollit.
Ai arriti një sukses historik, duke fituar katër trofetë më të rëndësishëm që një basketbollist mund të fitojë në një sezon: titullin e kampionit, MVP-në e ligës, MVP-në e finales dhe trofeun si shënuesi më i mirë.
Gilgeous-Alexander përfundoi sezonin si shënuesi më i mirë me mesatare 32.7 pikë për ndeshje, ndërsa mori çmimin MVP, duke regjistruar edhe pesë kërcime e 6.4 asistime mesatarisht.
Në serinë finale ndaj Indiana Pacers, ku Oklahoma City fitoi 4-3, ai realizoi mesatarisht 30.3 pikë, 4.6 kërcime dhe 5.6 asistime për ndeshje.
What would @shaiglalex caption this? pic.twitter.com/HNVN3cYTMl
— NBA (@NBA) June 23, 2025
Në ndeshjen e shtatë vendimtare, SGA shkëlqeu me 29 pikë, 5 kërcime dhe 12 asistime, duke udhëhequr ekipin drejt titullit.
Para tij, vetëm Michael Jordan, Kareem Abdul-Jabbar dhe Shaquille O’Neal e kanë arritur këtë sukses të katërfishtë në një sezon.
SGA is just the FOURTH player in NBA history to accomplish this in the same season 🤯 pic.twitter.com/8mUheS7eTy
— Yahoo Sports (@YahooSports) June 23, 2025
Shai arrin të fitojë kështu çmimin MVP dhe Finals MVP në një sezon, që për herë të fundit arrihej nga LeBron James në vitin 2013.
Ky sezon e vendosi Shai Gilgeous-Alexander në një grup shumë të vogël legjendash të NBA-së./ D.C
