Të ngasësh makinën në Nürburgring është një nga gjërat më emocionuese që mund të përjetosh në një makinë, por mund të jetë edhe tepër e rrezikshme.
Përplasja e tmerrshme midis një Porsche dhe një BMW që ndodhi disa ditë më parë është provë e kësaj.
Pamjet nga brenda Porsche-s, kamerat anash pistës dhe videot e telefonave celularë nga vendi i aksidentit, tregojnë se si një GT3 RS dhe një BMW M2 Competition u shkatërruan plotësisht në aksidentin që ndodhi gjatë tureve publike të Nürburgring-ut, të ashtuquajturat Touristenfahrten, kur kushdo i interesuar mund të paguajë për të ngarë makinën, motoçikletën, furgonin ose edhe një autobus të vetin rreth pistës legjendare prej 20.8 kilometrash.
Aksioni fillon brenda GT3 RS, e cila po ecën me shpejtësi dhe po i afrohet me shpejtësi një BMW britanike më të ngadaltë.
Makinat janë në një pjesë të ngushtë të pistës dhe BMW duket se është zhvendosur djathtas ndërsa Porsche po afrohej, duke sugjeruar se shoferi kishte vënë re një makinë më të shpejtë që përpiqej ta tejkalonte.
Porsche po manovron në një kthesë të butë kur ndodh përplasja. Të dy makinat përfundojnë në mbrojtëset, duke shkaktuar një shpërthim, duke e bërë Porsche-n të fluturojë në ajër.
Një video e aksidentit e filmuar me celular tregon të dyja makinat të shkatërruara plotësisht, me pjesë të shpërndara 30 metra larg vendit të përplasjes.
Opinionet në internet janë të ndara se kush është fajtor. Disa komentues thonë se shoferi i BMW-së është qartësisht fajtor që u kthye drejt Porsche-s, ndërsa të tjerë argumentojnë se shoferi i 911 ishte shumë agresiv dhe i paduruar dhe duhej të kishte pritur për një vend më të sigurt për të parakaluar. /e.t
