Vritet në Ukrainë gazetari i New York Times. Brent Renaud, një reporter amerikan për New York Times, u vra nga forcat ruse në Ukrainë. Këtë e ka bërë të ditur me anë të një postimi në Facebook, shefi i policisë së rajonit, Andrei Nebitov. Në “Twitter” janë shpërndarë foto të dokumenteve të gazetarit të cilat duket se konfirmojnë fatin e tij, shkruan “Il Messagero”.
Ndërsa “The Guardian” raporton se një gazetar i New York Times është vrarë pranë Kievit. “Dy gazetarë u sulmuan pranë Irpin kur forcat ruse hapën zjarr.
Njëri ka mbetur i vrarë, ndërsa gazetari i plagosur me të cilin po udhëtonte është dërguar në spital për mjekim”, shkruan The Guardian.
Brent Renaud (majtas) dhe vëllai i tij Craig Renaud janë regjisorë dokumentarë fitues të çmimit Peabody, producentë televizivë dhe programues filmash që jetojnë dhe punojnë në New York City dhe Little Rock, Arkansas.
“Puna e vëllezërve Renaud i ka çuar ata nëpër botë në shumë nga konfliktet dhe pikat e nxehta të dekadës së kaluar, duke përfshirë luftërat në Irak dhe Afganistan, tërmetin në Haiti, luftën e drogës në Meksikë dhe trazirat politike në Egjipt”, thuhet në Qendrën Pulitzer.
Filmat dhe shfaqjet e tyre televizive kanë fituar çmime duke përfshirë një Peabody, një çmim IDA për serialet më të mira televizive, dy çmime për Klubin e Shtypit të Jashtëm, dy Çmime Columbia Dupont dhe një çmim Edward R. Murrow për punën e tyre me New York Times.
Putin is a new Hitler! American journalist Brent Renaud from @nytimes was killed today by Russians in Irpin town near Kyiv! One more foreign journalist is wounded, and our soldiers are trying to evacuate him to hospital.
Information is correct (from Ukrainian police). #Ukraine pic.twitter.com/rDCMepUZAR— Tetyana Vysotska ?? (Тетяна Висоцька) (@Ukrainews) March 13, 2022
