Ky është i riu i cili humbi jetën mbrëmjen e kaluar në aksin rrugor Milot-Fushë Krujë. Disa makina u përplasën me njëra-tjetrën dhe fatkeqësisht një i ri humbi jetën. Ai është Dejvi Allamani, drejtues i një prej mjeteve të përfshira në aksident.
Të shumtë kanë qenë qytetarët të cilët kanë shprehur ngushëllimet për humbjen e të riut. Forumi Rinor i Partisë Demokratike në Kurbin ka ndarë një mesazh për të riun.
Aksidenti i rëndë ndodhi mbrëmjen e kaluar në aksin Fushë Krujë-Milot, në afërsi të fshatit Derven. Dy mjete u përplasën me njëra-tjetrën, duke lënë pas 1 viktimë dhe tre të plagosur.
