Edhe pse opozita joparlamentare ka kërkuar shtyrjen e takimit të Këshillit Politik, përfaqësuesja e opozitës parlamentare Rudina Hajdari ka bërë të ditur se është e disponueshme të marrë pjesë sot në orën 17:00 dhe çdo ditë tjetër.
Hajdari deklaron se do të jetë e pranishme në Këshillin Politik së bashku me Myslim Murrizin, si përfaqësues të opozitës parlamentare.
“Jam e disponueshme të marr pjesë sot në orën 17:00 ose cdo ditë tjetër që e shikoni të arsyeshme. Gjithashtu ju bëj me dije, se sot gjatë konferencës së kryetarëve u ra dakord nga të gjitha grupet parlamentare, se me 23 korrik do të votohet marrëveshja e 5 Qershorit. Gjithashtu jam dakord me formatin e zgjedhur, do të jem e pranishme në Këshillin Politik, bashkë me kolegun Myslym Murrizi, si përfaqësues të opozitës parlamentare“ shkruan Rudina Hajdari./Fjala.al/Ke.Ba
