Zëdhënësja e PD-së, Ina Zhupa akuzon kryeministrin Edi Rama, se sipas saj ai ka marrë në mbrojtje drejtorin e DPSHTRR-së, Blendi Gonxhen, të cilin e akuzon se ka marrë para publike për një kompani transporti që ai ka në posedim dhe se i ka shtuar vetes tre kategori patentash.
Sipas Zhupës, kreu i qeverisë i bëri sot reklamë Gonxhes për të treguar që nuk ka ndërmend ta shkarkoj por e promovon si modelin e babëzisë edhe korrupsionit që duhet të arrijnë edhe rilindasit e tjerë.
Në një reagim në rrjetet sociale, Zhupa shkruan se në vend që Rama ta mbronte, pse nuk e thërret Gonxhen në zyrë e ta pyes çfarë do Loku tek zyra e Gonxhes përditë?
Postimi i plotë:
Gjenerali i ushtrisë së rilindjes mori në mbrojtje ushtarin e tij të kapur në shkelje të rënda ligjore, në abuzim me detyrën dhe konflikt interesi.
Rama sot i bëri reklamën Gonxhes për të treguar që nuk ka ndërmend ta shkarkoj por e promovon si modelin e babëzisë edhe korrupsionit që duhet të arrijnë edhe rilindasit e tjerë, të cilët mund të jenë më poshtë në këto “arritje”.
Është aq shembullore drejtoria e Blendi Gonxhes së Ramës, sa që drejtori merr vete 3 kategori lejesh drejtimi shtesë në 1 muaj pa kurs, tek vartësit e tij, duke shpërdoruar detyrën. Aq shembullore sa që drejtori merr para nga buxheti për kompaninë e tij të transporteve, edhe është autoriteti që jep gjithë sherbimet, lejet, targat, licensat që i duhen kompanisë së tij.
Në vend që Rama ta mbronte sot, pse nuk e thërret Gonxhen në zyrë e ta pyes cfarë do Loku tek zyra e Gonxhes përditë?
Ushtari Gonxhe mesa duket i ka dhënë pjesën e tij përherë gjeneralit Rama nga paratë që i zhvat nga taksat e qytetarëve edhe nga rryshfetet. Kur faktet flasin qartë për shkeljet e Gonxhes, Rama zgjedh të shikoj gishtin-godinat.
/En.Br./Fjala.al
https://www.facebook.com/inazhupaPD/posts/4133059783432063?__xts__[0]=68.ARBo6EmYRTCzxxjmHQSe6beSix8V0ZM_7jbBgGlzIpoLYNXGAYoED-c8U2I28-svn9nkx5Klr84NTLtMGWiMzhfrZb-vcRkVJi2qlIvXqs_XIXv4bMUvgi2M_ZDs10gwGE49ZjljVGftlip559YRP977Eb3w6FDf-9_NfMPpyjkE1aqP4KDVp4WdVGVR2IqE1STtDTLNwXTVDCu5-2Xr6elwQ4B4DZXdGu0vlkoo3KcSfmsXAkI4PG9OFpLFfNqtWaVj2JSayRJOQ6o0NQwWozEa3MCdtEavLjN1T-qoSac1fo1IkPYbdVb0Usr0tPsKYz9j_4wC-NedIiB06ToTt_zivRY&__tn__=H-R
