Akademiku Artan Fuga deklaron se zgjedhjet e vitit 2021 janë shansi I fundit i Lulzim Bashës. I ftuar në emisionin “HARD TALK NGA ROLAND QAFOKU”, akademiku e analizon pozitën e liderit të Partisë Demokratike. Sipas tij, nëse PD nuk fiton zgjedhjet Lulzim Basha nuk mund të vijojë më të jetë në krye. Fuga e lidhi këtë me gjithçka që ka ndodhur në këto 7 vjet në kampin blu por edhe më qeverisjen e majtë.
-Edi Rama ka në politikë 22 vjet dhe ka vetëm një vit në opozitë. Basha ka dy palë zgjedhje të humbura, në një palë zgjedhje nuk merr pjesë dhe tani jemi përballë një një palë zgjedhjeve të vitit 2021, siç themi ne përherë: “më të rëndësishmet në këto 30 vjet”. Juve si i analizoni?
-Nëse zoti Rama ka tetë vjet kryeministër, zoti Basha nuk ka asnjë vit kryeministër. Nuk është ai që e kemi parë të drejtojë një qeveri. E kam fjalën që për zgjedhjet e përgjithshme politike parlamentare, ky është ndryshimi. Në disa zgjedhje PD ka dalë humbëse apo nuk ka marrë ato rezultate që duhet. Zoti Basha erdhi në krye të PD në momentin kur zoti Sali Berisha, i cili gjithsesi me personalitetin që kishte la një boshllëk të jashtëzakonshëm. Unë nga njëra anë mund të them që elektorati demokrat mund të ketë pasur pritshmëri më të larta, por nga ana tjetër besoj se ja njeh që ka fituar në një situatë shumë të vështirë. E mori partinë në një moment rënie…
-Duket sikur po e justifikoni shumë Bashën profesor.
-Jo, jo! Unë desha të mbaroj më këtë gjë, që nga pikëpamja e testit, ky është testi i fundit i zotit Basha.
-Që do të thotë?
-Që do të thotë se tani për të qenë lider i një partie e cila fiton mbështetjen elektorale, dhe e bën atë që të ishte potencialisht kryeministër dhe të ndërmerrte reformat që duheshin./Fjala.al/Ke.Ba
https://youtu.be/qEDRqxhEJmE
