Një tjetër çerdhe në kryeqytet ka mbyllur dyert për fëmijët për shkak të virusit të ri COVID-19.
Burime bëjnë me dije se bëhet fjalë për çerdhen 42 pranë zonës së njohur si “Oxhaku”, ku disa edukatore dhe pjesëtarë të tjerë të stafit kanë dalë pozitivë në testin e koronavirusit.
Po të njëjtat burime bëjnë me dije se prindërit janë njoftuar nëpërmjet sms-ve që të mos i dërgojnë fëmijët në çerdhe nga e hëna.
Ky nuk është rasti i parë pasi në Tiranë më herët kanë mbyllur dyert për shkak të koronavirusit edhe disa kopshte dhe çerdhe të tjera./En.Br./Fjala.al
