Një ngjarje e rëndë ka ndodhur pasditen e sotme në lagjen “Kombinat”, në Poliçan. Një 34-vjeçare, nënën e 2 fëmijëve, ka tentuar vetëhelmimin, duke konsumuar një sasi të madhe pesticidesh.
Shkaku që dyshohet se ka çuar 34-vjeçaren me iniciale F.I. drejt aktit të rëndë ka qenë dhuna e vazhdueshme që bashkëshorti ushtronte ndaj saj.
Mësohet se për shkak të dhunës në familje, gruaja ka qënë e pajisur një vit më parë me “urdhër mbrojtje” dhe më pas është ribashkuar sërish me bashkëshortin e saj. Burime të besueshme kanë konfirmuar se grindjet dhe dhuna në familjen e shtetases F.I. kanë qenë të vazhdueshme dhe në shumë raste edhe në sy të dy fëmijëve të vegjël.
Burime bëjnë me dije se gruaja është gjetur e shtrirë pa ndjenja në dyshemenë e dhomës së gjumit nga fëmijët, të cilët kanë njoftuar për ndihmë komshinjtë dhe më pas policinë.
34-vjeçarja është transportuar me urgjencë drejt Spitalit Rajonal të Beratit, por për shkak të gjendjes së rëndë mjekët e kanë transportuar me urgjencë drejt Tiranës./En.Br./Fjala.al
