Irani ka filluar të arrestojë përgjegjësit për rrëzimin e avionit ukrainas. Teherani ka çuar në pranga 30 ushtarë.
Avioni ukrainas u godit nga raketat iraniane duke lënë të vdekur të 176 personat në bord.
Irani u justifikua se e kishte ngatërruar avionin me një objektiv armik.
Megjithëse regjimi i Teheranit e mohoi fillimisht se ishte përgjegjës për këtë ngjarje, presioni ndërkombëtar e detyroi të pranonte se rrëzimi ishte aksidental.
Shumica e viktimave ishin kanadezë dhe ukrainas.
Drejtuesit iranianë kanë kërkuar falje për ngjarjen dhe kanë marrë përsipër dëmshpërblimet. Ndërsa tani po kërkon fajtorët duke arrestuar 30 ushtarë.
Të paktën kështu raportojnë mediat ndërkombëtare, ndërsa nuk bëhen të ditura detaje të tjera.
Homazhet për viktimat e avionit u kthyen menjëherë në protesta të dhunshme në Iran, me mijëra qytetarë që bëjnë thirrje për rrëzimin e regjimit.
Protestat janë përshëndetur edhe nga SHBA, e cila thekson se mbështet protestat deri në rrëzimin e regjimit të Teheranit./Fjala.al/
