Gjatë punimeve të bëra në rrugën e Memaliajt janë zbuluar disa varre ilire, një prej tyre është edhe kjo varrezë e sjellë në rrjetet sociale nga ambientalisti Sazan Guri.
Foton Sazan Guri e shoqëron edhe me një mbishkrim ku shprehet se këtë gur varri me mbretëreshën me një gjarpër e me një pishtarë e shpëtoi një djalë nga mijëra copëra të thyera brenda në Vjosë.
“Mirë i hodhe po pse i theve, mirë i theve po pse i mbyte në lumë, o ditëzi, o barbar”, shkruan ndër të tjera ai.
Postimi i plotë i Sazan Gurit
Një nga 200 varret ilire të gjetura gjatë ndërtimit të rrugës së re pa shkuar në Memaliaj, te fshati Iliras. Prej kohe vrisja mendjen se ky fshat, kot nuk e ka këtë emër. Dhe u zbulua, por nuk qe e thënë prapë. Barbarët i copëtuan dhe i hodhën në Vjosë, Instituti Arkeologjik ishte i zënë shumë.
Ndërtuesi i rrugës barbar dhe lekë lekë e tamaqar, Ministria e Kulturës c’ne ata me kësi punësh, Axhensia e Shpëtimit Arkeologjik po merresh me velierën si të ndërtonte ca frëngji si ‘gliqe pulash’ për të parë muzeun nëntokësor të enkelejdëve e taulantëve në hyrje të Durrësit, e pastaj ka faj Gerbi apo Zgerbi kur thotë se aty kishte grek……o hasana o baraba.
Këtë gur varri me mbretëreshën me një gjarpër e me një pishtarë e shpëtoi një djalë nga mijëra copëra të thyera brenda në Vjose. Mirë i hodhe po pse i theve, mirë i theve po pse i mbyte në lumë, o ditzi, o barbar. Duhet të bëjmë kush më thotë. do ta hedhim në gjyq kompaninë dhe institucionet e mësipërme, si thoni…/Bl.Ba/Fjala.al
