Një 19-vjeçar është arrestuar nga policia e Kavajës, pasi akuzohet se ka plagosur me thikë gjyshin e tij.
Bëhet fjalë për shtetasit D. G., pasi gjatë një konflikti për motive të dobëta ka goditur me thikë gjyshin e tij shtetasi R. B., i cili ndodhet në spital, jashtë rrezikut për jetën.
Sipas burimeve zyrtare, sapo i riu ka parë uniformat blu është larguar menjëherë nga vendngjarja, por pas disa orë ndjekjeje është bërë e mundur kapja e tij.
Në cilësinë e provës materiale u gjet dhe u sekuestrua mjeti prerës (thikë) me të cilën autori kreu plagosjen.
Materialet i kaluan Prokurorisë, për veprime të mëtejshme, për veprat penale “Dhuna në familje” dhe “Mbajtja pa leje e armëve të ftohta”./En.Br./Fjala.al
