Kryeministri i Japonisë, Shinzo Abe, ka deklaruar ditën e sotme arsyen se përse do të japë dorëheqjen.
Sipas tij, ky veprim vjen për shkak se ai nuk do që politika kombëtare të preket nga një përkeqësim i mundshëm i shëndetit të tij.
Ka pasur spekulime të shumta lidhur me gjendjen shëndetësore të Abe-së, pasi kohët e fundit kryeministri i Japonisë është parë shpesh të shkojë në një spital në kryeqytet.
Nuk dihet kur do të ndodhë dorëheqja e Abe-së, mandati i të cilit si drejtues i partisë në pushtet, dhe rrjedhimisht si kryetar i Qeverisë, përfundoi në shtator 2021.
Informacioni u konfirmua gjithashtu për agjencinë lokale Kyodo nga burime nga Partia Liberale Demokratike në pushtet
Vetë Abe pritet t’i shpjegojë këto qëllime në një konferencë për shtyp.
Abe vizitoi një spital në datë 17 dhe 24 këtë muaj për kontrolle mjekësore, por zëdhënësit e tij këmbëngulën që nuk ishin komplikime serioze dhe thanë se shëndeti i kryeministrit ishte i mirë.
Media japoneze, kujtoi se mandati i parë i Abe si kryeministër, midis 2006 dhe 2007, përfundoi me komplikime shëndetësore të shkaktuara nga kolit ulceroz kronik që ai vuajti në atë kohë. /Ra,My.Fjala.al/
