Situata politike në Bjellorusi duket se po vazhdon të jetë ende e tensionuar duke vijuar protestat e nisura 3 javë më parë.
Sheshi i Pavarësisë është mbushur nga vajza dhe gra të cilat demostrojnë kundër Lukashenkos i cili ka qevrisur vendin për 26 vite me radhë i cili me zgjdhjet e 9 gushtit dhe me 80% të votave u shpall presidenti i vendit.
Sipas opozitës këto zgjedhje janë të manipuluara dhe ky është shkaku i protestave të cilat vazhdojnë në Minsk, kryeqytetin e Bjellorusisë prej 3 javësh.
Pavarësisht përpjekjeve që qeveria ka bërë për të shtypur këto demostrata dhe për mos të lejuar vazhdimin e tyre duke bllokuar edhe metrotë protestat vazhdojnë me të njëjtin ritëm.
Para disa ditësh policia arrestoi disa gazetarë, dje shumë korrespondentëve ndërkombëtarë iu mohua akreditimi, një mënyrë kjo për të mbajtur larg syve të botës imazhet e protestave.
Ministrat e Jashtëm të Bashkimit Europian kanë rënë dakort për vendosjen e sanksioneve për 20 zyrtarë bjellorusë, të cilët dyshohen për mashtrim zgjedhor dhe për shtypje të manifestuesve kurse në një moment të dytë do të vendosnin edhe për mundësinë e përfshirjes në këtë listë të presidentit Lukashenko, i cili premtoi se për vendimin e Ministrave të Jashtëm do ketë një reagim të fortë së shpejti. /Ra.My.Fjala.al/
