Kryetari i bashkisë së Tiranës Erion Veliaj njofton se shumë shpejt në Tiranë do vendosen dy shtatore të mëdha të Nënë Terezës dhe Ismail Qemalit.
Gruaja shqiptare më e famshme në botë si misionare e Paqes dhe themeluesi i shtetit shqiptar sipas Veliaj patjetër që duhet të nderohen me shtatore si shenjë e nderimit që i bën populli i kryeqytetit.
Në emisionin HARD TALK NGA ROLAND QAFOKU, Veliaj shtoi se nuk është e denjë që shtatorja e Ismail Qemalit të hiqet nga muzeu dhe të vendoset përballë hotel Rogner.
Po të shohësh një status nga ju në Facebbok për ditën e lindjes së Nënë Terezës por pyetja ime është se kur do të ketë një shtatore të Nënë Terezës në Tiranë?
Besoj se ka ardhur momenti jo vetëm për Nënë Terezën por për Ismail Qemalin dhe figura të tjera. Ne i kemi kaluar me improvizim.
Ismail Qemali e ka
E di. U mor nga muzeu. Kjo është e padenjë. Unë besoj që për disa figura do të duhet të kemi disa konkurse kombëtare. Ashtu siç kemi pasur konkurs për bashkinë e re që është gjithashtu një vepër e cila mbetet e qytetit tek Bulevardi i Ri.
Nuk na kushton asgjë që ne të bëjmë konkurse për Nënë Terezën dhe për Ismail Qemalin për një trajtim dinjitoz. Kjo është teoria, “merr një copë statujë nga një muze dhe ngule në lulishte”, ishte pak a shumë si ajo historia e tortës.
Sajo një gjë kiç dhe diskreditohu si ajo torta. Në qoftë se më thatë se për çfarë mbahet mend ajo administratë, ajo torta është besoj metafora më palosëse. Batuta që tregon të gjithë botëkuptimin tënd rreth qeverisjes, ishte ajo torta.
Unë besoj që nga torta dhe nxjerrja e Ismail Qemalit për xhiro në lulishte, duhet të kalojmë në diçka që i qëndron më shumë kohës dhe rezulton që disa punë të tilla siç ishte vepra e Gim Radës për 2 korrikun tek Rruga e Ambasadave apo disa vepra të tjera janë më dinjitoze kur bëhen në këtë mënyrë se sa kur improvizohen.
